Sie sind hier: Startseite
Weiter zu:
Martinau-Rokitnica
To my Privat
Grill 2012
Walynciokowo Bildgalerie
Slonsoki poradzom
Terminy
Pomoc - Spendy
Musik & Co / Band's
Gästebuch - Ksiynga Gosci
Impressum
Allgemein:
Kontakt
Herzlich Willkommen auf unserer Website. Wir freuen uns, Ihnen auf dieser und den kommenden Seiten unsere Familie, Hobby, Team und vieles andere mehr vorzustellen.
Serdecznie witomy na naszy Web Stronie. Pieronym sie radujymy wom na ty i na nastympnych stronach tym sposobym przedstawic nasza Rodzinka, Hobby i nasze zainteresowania i jeszcze kupa roztomajtych innych zeczy.
Strona nasza chcymy poswiyncic we piyrszy kolyjnosci nom i naszy Familie chcieli by my tyz wszystkim naszym znajomym, przijacielom i tym wszystkim kere nom przajom natürlich jak one same niy majom nic przeciw tymu albo jak sie to po naszymu godo nic dagegen. Na naszy stronie piszymy i tyz bydymy pisac we jynzykach kerymi my tyz operujymy i uzywomy to znaczy po naszymu, moge tyz byc ze ktosik niy bydzie poradziol zrozumiec co sam pisze. Z tym niy ma zodnego problymu osoby kere niy rozumiom co sam pisze a chcieli by wiedziec som proszone o zgloszynie sie do kerownika zamiyszania. Wejzic proszymy na Kontakt .
Telefon jest colki czas zalonczony odbiyrany bydzie ale ino wtedy jak Peter jest w doma, no bo tyz czasami musi wylyz na kurz do roboty.
Do dzwoniynio zaproszomy, za kozdy Emil somy my bardzo wdziynczne.
Chcymy tyz poinformowac ze to co sam znalejziecie na naszy stronie to jes swojsko robota czyli przez nos osobiscie zrobione, bestoz co nikere zeczy Bildy albo jeszcze jakes inne fizymatynty moge byc ze niy bydom sie wszystkim podobac i tyz niy bydom richtig dzialac. Somy my ale zdania ze po jakims czasie mozno sie nauczymy a jak niy no to plakac tyz niy bydymy.
Jedne co niy jest i tyz nigdy niy bydzie naszom swojskom robotom to som Bildy, wasze Bildy ze Fajerow, Geburtstagow, Grillow i inkszych Imprez kere zostanom przez wos do nos przeslane. Natürlich somy my zdania ze jak juz ktosik nom przesylo Bildy ze Fajerow to chce tyz zeby bolo to pokozane na naszy Galerie co tyz bardzo chyntnie zrobiymy.
Terozki miyszkomy we Kaufungen, jest to malo miyjscowosc zarozki kolo Kassel. Sam znalejzli my zdziebko Platzu kaj my sie nasz Haus wybudowali, myslymy ze tych przekludzkow ze Wohnungu ( Miyszkania ) do Wohnungu i ze miyjscowosci do miyjscowosci nom juz styknie, jak idzie o przekludzki to juz pora momy za sobom ta najgorszo i najciynrzyjszo bola we 1989 roku jak my sie ze cztyrema koframi przekludziyli ze Rokitnicy na Kassel. Od samego poczontku dali my sie do roboty, bo jak sie to godo von nichts kommt nichts. Dobre pora Lot to trwalo i nareszcie my troszka stynli na nogi. Terozki juz leci normalnie i jest prawie wszystko OK. Duzo czasu poswiyncomy naszy Slonski godce jak tyz Muzyce w kerym nom bardzo pomogo nasze Radio Bercik- Silesia. Jak znalejzymy zdziebko czasu to jadymy na Besuch do naszych Freundow kerym momy bardzo duzo, chyba ze nasze Freundy przijadom do nos na Besuch. Do naszych przijacieli drzwiyrza do naszego domu som zawsze szyroko otwarte.
Bildy kere wom sam presentujymy som wlasny roboty jak tyz od naszych przijacieli, kere nom zezwolyli na ich pokozanie na naszy Stronie.
Z tyj tyz prziczyny uwazomy wszystkie sam na naszy, jak tyz u naszych przijacieli presentowane Bildy jako nasza wlasnosc.
Kopiowanie jak tyz rozpowszechnianie naszych Bildow bez pisemny zgody uzyskany od nos jest zabronione i moge doprowadzic do powaznych konsekwencji. We przipadku jak sie ktosik do naszy uwagi niy umi dostosowac zostanie odpowiednio potraktowany.